Air Belgium ta inisiá buelonan for di Bèlgika pa Kòrsou dia 3 di yüli próksimo segun informashon ku e kompania di Bèlgika a duna djabièrnè último riba nan website (https://www.airbelgium.com/). Esaki ta nifiká ku TUI i KLM kual ta e 2 kompanianan ku ta bulando riba e ruta di medio atlántiko tin kompetensia entrante 3 di yüli.
Air Belgium lo bula for di nan base Charleroi pa Willemstad pero lo hasi un eskala na Martinique kaminda pasaheronan lo keda na bordo di e avion I den 1 ora ku 50 minüt, e Airbus A340-300 lo yega Kòrsou. E buelo lo ta poko mas largu pero esaki lo keda kompensá pa e preis kual lo ta 650 euro. Air Belgium ta anunsiá ku pa próksimo desèmber yunan di tera pero tambe esnan ku kièr pasa fin di aña den un aire fresku I ku dushi solo lo por hasi esaki pa solamente 650 euro. Buelonan lo Sali 10or di mainta I tin opshon di klasenan Ekonómiko, Premium I Negoshi.
E notisia aki sin mas ta unu positivo I nos mester kompartí esaki ku nos followersnan ya ku Kòrsou no ta pasando den su mihó momento pero sin mas tin hopi plan riba mesa pa saka e pais for di krísis. Ku esaki gabinete aktual por bisa ku nan tin un logro mas promé ku nan bandoná fòrti ala-bes ta krea espasio pa e próksimo minister enkargá ku turismo I ekonomia yama bon bini na e promé buelo di Air Belgium.
1 comment