Aruba Hotel & Tourism Association (AHATA) ta
continua cu su esfuersonan pa apoya acceso na educacion cu un donacion di AFL 25.000 pa e
Fundacion Ayudo Social di EPB San Nicolas. E contribucion ta forma parti di e iniciativanan di
AHATA pa inverti den acceso na educacion y calidad di educacion pa yuda desaroya mas
oportunidad pa nos hobennan y desaroya un forsa laboral fuerte.
E donacion a ser presenta pa Presidente y CEO di AHATA, Sra. Tisa LaSorte, na e hunta di FAS
SN, Sra. Ralitza Wever, Sr. Joris Peeters, Sra.Carola Medina, Sr. Michael Croes, y na Director di
EPB San Nicolas, Sr. Rensley Mathilda. E fundacion social tin como meta pa yuda alumnonan
enfrentando limitacion financiero cu e sosten necesario pa nan por finalisa nan estudio
secundario na EPB San Nicolas. Sra. LaSorte a enfatisa e importancia di e fundacion su trabou, y
ta contento cu e donacion lo brinda mas oportunidad di desaroyo pa studiantenan na San
Nicolas den un ambiente positivo na EPB cu ta cultiva e potencial y talento.
AHATA tin como meta pa sigui aporta na un educacion mas accesibel y asina inverti den futuro
di nos studiantenan local. Desde aña pasa, e asociacion a duna sosten na varios instituto di
educacion pa asina inspira, motiva y crea un impacto positivo den e preparacion di nos futuro
forsa laboral.
AHATA ta aporta na un educacion mas accesibel na EPB San Nicolas
