Den e periodo di djaluna 19 di ougùstùs te ku djárason 9 di òktober, agentenan aspirante di Kuerpo
Polisial Hulanda Karibense (KPCN) tin treinen i eksamen intensivo di abilidat di kore outo. Durante e
periodo aki regularmente lo hasi uso di señalnan óptiko (zwaailicht) i di zonido.
Bou di supervishon di instruktornan sertifiká di tantu KPCN i di Akademia di Polis, e agentenan
aspirante ta haña treinen i ta evaluá nan abilidat kon lihé i, prinsipalmente seif, nan por transportá
nan mes di un lugá pa otro den kasonan (di emergensia). E treinen aki ta krusial pa desaroyá e
abilidatnan nesesario pa rekshoná efektivamente den situashonnan di emergensia.
KPCN ta pidi habitante i usuarionan di tráfiko pa ta konsiente di e treinen i pa reakshoná na e
manera usual riba e señalnan di emergensia.
Tepnan na momentu ku mira un vehíkulo di emergensia ta aserká;
– No drenta pániko i no hasi nada inesperá. No hisa velosidat i traha espasio na momentu ku por
pa e vehíkulo di emergensia por pasa bai.
– Si bo no por traha espasio, kore trankil e ora ei. Esaki ta duna e shofùr di e vehíkulo di
emergensia espasio pa evaluá kua ta e mihó manerá ku e por pasa.
– Duna indikashon ku bo a mira e señalnan óptiko (zwaailicht) dor di indiká klaramente e
direkshon ku bo ta bai.
– Evitá situashonnan peligroso dor di kore trankil.
– Bo ta den bisendario di un rotònde? Kore un rònchi èkstra pa asina e vehíkulo di emergensia por
pasa bai.
KPCN ta gradisí boso pa boso koperashon i komprenshon durante e periodo di treinen importante
aki.
Agentenan aspirante di KPCN ku treinen i eksamen di abilidat di kore auto
