Prome Ministernan di Aruba, Corsou y Sint Maarten y Secretario di Estado di Relacionnan den Reino Zsolt Szabó a manda e Agenda di Ehecucion y Reportahe di Ehecucion riba Paketenan di pais nobo pa Parlamentonan y Tweede Kamer. E documento aki a haya un estilo completamente nobo.
Miho bista riba planificacion y progreso
E Agenda di Ehecucion y e Reportahe di Ehecucion ta duna periodicamente un bista riba e planificacion y progreso di e reformanan den e Paketenan di pais. Caminda esakinan antes tabata dos documento separa, awor nan ta combina. Di e manera aki, e planificacion y progreso ta mas visibel. Ademas a elabora riba e obhetivonan pa kada tema mas miho pa asina ta mas cla kico exactamente nos ta trahando riba dje. Tambe ta pone bon cla con e reformanan ta relaciona cu e plan nacional di Aruba, Corsou y Sint Maarten. Mas aleu a traha un bista historico pa cada tema cu resultadonan alcansa caba, pa motibo cu hopi trabou ya a wordo haci caba den e ultimo añanan.
Colaboracion entre Aruba, Corsou, Sint Maarten i Hulanda
E estilo nobo a wordo crea door di colaboracion intensivo entre Aruba, Corsou, Sint Maarten y Hulanda. E Agenda di Ehecucion ta cubri e periodo di september 2024 pa mart 2025. E componentenan di reportahe ta trata e progreso di e reformanan den e ultimo lunanan. E siguiente edicion lo wordo publica na cuminsamento di april 2025.
Klick y lesa
Agenda+di+Ehecucion+y+reprtahe+di+Ehecucion+di+Landspakket+1+di+september+2024+te+cu+31+maart+2025