Aruba Airport Authority (AAA) orguyosamente a participa den United Nations’ (UN) Global SDG Action Week 2023 to #ACT4SDGS. Nacionnan Uni, incluyendo tur estado cu ta miembro, a adopta e Agenda 2023 pa desaroyo sostenibel.
Esaki ta proporciona un plan pa paz y prosperidad di e personanan y planeta. Desde dia 15 pa 25 di September 2023, UN SDG Action Campaign y su socionan global a amplia e compromiso y accion rond mundo tocante e 17 metanan conoci como e “Sustainable Development Goals”.
AAA a prepara un programa pa e United Nations’ (UN) Global SDG Action Week 2023, yena cu actividad educativo y interactivo pa tur trahador participa. Diasabra dia 16 di September 2023, World Beach Cleanup Day, AAA hunto cu Kiwanis Key Club, a organiza un dia di limpiesa na Boca Grandi.
Un total di 70 participante a uni forza pa yuda haci un area di aproximadamente 1.5 km limpi y piki basta cantidad di sushi. A lo largo di e United Nations’ (UN) Global SDG Action Week 2023, e empleadonan di AAA tabatin e oportunidad pa participa den diferente actividad, incluyendo un wega interactivo di
concientizacion tocante SDG. Un presentacion tocante waste management & recycling bou encargo di Junior Lecturer na Universidad di Aruba, Colleen Weekes. A haci donacion di paña cu nan a distribui entre comunidad local atraves di Cruz Cora Aruba y diferente scol y riba eSDG Flag Hoisting Day dia 25 di September 2023. Como parti di e United Nations’ (UN) Global SDG Action Week 2023, e empleadonan di AAA a ricibi un SDG Wheel Pin pa continua cu e concientizacion na trabou, cas y rond Aruba.
Sostenibilidad ta integra den e vision, e obhetivonan y e metanan di AAA y ta p’esey ta fortalece ainda mas su compromiso di realizacion y e contribucion pa e SDGs. Door di organiza e United Nations’ (UN) Global SDG Action Week 2023, nos ta sigui asocia nos mes cu otro organizacion pa proyectonan impactante y duna bek na proyectonan comunitario cu ta haci uzo di SDG como guia. Nos ta sigui curasha nos coleganan y e comunidad pa ta mas socialmente responsabel asina Angeline Flemming, Director of Health, Safety and Sustainability na AAA, a duna di conoce.
Tocante AUA Airport
AUA Airport ta un di e aeropuertonan mas ocupa den region Caribe cu mas di 22 diferente aerolinea operando pa Aruba contribuyendo na mas cu 2.5 miyon pasahero pa aña (pre-covid) y cu vuelonan pa 34 diferente destinacion directo rond di mundo. Di e mercadonan cu AUA Airport ta sirbi 80% ta for di Merca y Canada, 9% for di Latino America, 8% for di Europa y 4% for di Antia Hulandes te cu luna di Augustus 2023.
AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa bira un aeropuerto sostenibel,sigur y a prueba di futuro, den region Latino Americano & Caribense, brindando un luga d trabou confiabel, facilidad di un aeropuerto moderno y un servicio excelente cu ta e refleha hospitalidad Arubiano, contribuyendo na un futuro prospero pa Aruba.
