Advent ta establece un clinica oftalmologico integral

Diahuebs 31 di augustus 2023, Minister di Salubridad, Medio Ambiente y Naturalesa (GMN) a emiti seis decreto ministerial nobo pa reemplasa decretonan mas bieu cu ya tabata existi. Esaki ta duna e instituto e espacio pa desaroya su funcionnan di cuido di un manera sostenibel ainda mas.

Na e momentonan aki tin listanan largo di espera di pashentnan pa tratamento nan specialisa di wowo y/of operacion. Advent hospital ta un clinica oftalmologico (specialisa di wowo) oficialmente designa. Pa por atende e listanan di espera aki, Advent ta ampliando su funcion como un clinica oftalmologico integral.

Actualmente ta haciendo inversion den e ekiponan necesario pa haci tratamento nan i operacion nan di wowo, i ta poniendo bek den funcion e salanan di operacion cu tabata den reparacion.

Minister di GMN i inspector di Salu Publico a percura pa Advent a obtene permitnan pa atrae cuater specialista di wowo for di Mexico cu lo wordo uza a base di rotacion entrante october. Pa e motibo aki, minister a emiti cuater orden ministerial diabierna 1 di september 2023.

Cu e establecimento di un clinica oftalmologico integral, Advent ta duna un contribucion importante na cuido specialisa di wowo i lo por reduci e tempo di espera pa tratamento nan crucial.