Administracion financiero di AVB ta slow cu consecuencia cu relato financiero 2021 y 2022 no ta cla

Si Arubaanse Voetbal Bond (AVB) su relato financiero no ta aproba ta bay over na fondo restringi, esaki ta significa cu FIFA automaticamente no ta traspasa e pago, pero ta haci un peticion. Segun presidente di AVB actualmente AVB ta cla pa ricibi e fondonan di 2022 completo durante anja 2022 prome cu a aproba e relato financiero aña pasa, pero ainda AVB ta bezig cu e relato financiero 2021. Pero ya caba a tuma un decision na momento cu a mira cu e relato financiero no ta yega pa keda cla cu ne pa Asina e clubnan ricibi nan pago, debi na esaki AVB a dicidi di busca un consultant externo pa yuda pa asina acelera e proceso pa e relato financiero di 2021 y 2022 keda cla.

Hopi ta e preguntanan si e maneho di AVB ta bon si of no, pero segun presidente di AVB ta kere cu mester haci un distincion entre maneho y administracion financiero di AVB. Hopi biaha ta uza e palabra cu administracion di AVB ta malo, pero segun presidente di AVB no lo uza cu e ta malo , pero cu e ta slow debi cu e proceso mester bay mas lihe y ta pe e motibo aki mes a busca un consultant externo.

E prome aña ta dificil pa por husga debi cu ta trata di un relato prome cu presidente actual Randolf Lacle a sinta, pero na momento cu ta drey prome aña por bisa cu ta relato di 2021 di cual di e ultimo 5 lunanan cu Randolf Lacle mes ta presidente, pero no a logra cu e relatonan finansiero y awo a busca un medida y a busca un consultant externo pa yuda y caba cu e trabao pa e relato finansiero keda cla.
Na e mes un momento cu a reuni riba e parti aki a dicidi cu lo bay pusha pa e relato 2022 tambe keda cla unda cu a cambia e sistema y a modernisa esaki pa asina keda cla cu e relato finansiero 2021 y 2022 na mes un momento pa ta full na ordo.

Cu e fondonan di AVB a keda restringi esey no kiermen cu AVB no ta haya placa , segun presidente di AVB Randolf Lacle, AVB ta keda haya placa pa asina keda cumpli cu tur cos , pero na mes momento a maneha e finansas na un manera cauteloso y no lo paga na cosnan cu ta coyloco, pero AVB a logra cumpli cu su obligacionnan y principalmente paga salario. Pero tambe a paga cu mas di mey miyon di recibonan adicional di afo di recibonan cu a keda atrasa y esey ta e consecuancia cu a haci un adaptacion na september unda cu a dicidi di no bay cu un seleccion di weganan amistoso mirando cu mester paga e debenan prome.

Click aki bao like y share