Siman pasa Adidas Aruba a organisa un evento, contando cu e mihor futbolistanan di Aruba pa experencia, y revela AL Rihla, e Bala Oficial di FIFA su Copa Mundial 2022. E atletanan presente tawata e prome nan na Aruba pa wak e Bala Oficial, of e asina yama “Official Match Ball”, y haya sa mas tambe di e tecnologia innovativo cu ta incorpora den e bala aki. Tambe tawata tin un mini cancha di futbol pa asina e futbolistanan participa den un wega amistoso contra otro, y na final di e anochi Adidas Aruba a rifa un AL Rihla, e Bala Oficial, na participantenan presente.
E Bala Oficial aki a wordo diseña usando tecnologia unda cu e bala aki ta conecta via un “Connected Ball Technology”, facilitando e systema nobo di VAR door di constantemente duna un nivel grandi di data y informacion na reffereenan, pa asina nan tuma decsionnan mas lihe y mas corecto posibel. E tecnologia nobo aki, desaroya den colaboracion entre FIFA y KINEXON – cu ta pioneronan den e ramonan di ‘sensor network’ y ‘edge computing’ – lo duna e refferee encarga cu Video (Video Match Official) data y informacion den tempo real, specificamente 500 biaha pa seconde, riba e momento preciso cu un hungador a mishi cu e bala. E tecnologia innovativo aki por a wordo desaroya despues di tres (3) aña di hopi prueba, esfuerso, y estudionan.
AL Rihla – e Bala Oficial di FIFA su Copa Mundial 2022 ™- cu e “connected ball technology” lo wordo usa den tur e 64 weganan di e torneo, cuminsando riba e prome fecha di wega cu ta 21 November 2022. Tur data y informacion colecta y despues distribui pa e reffereenan y esnan encarga cu revisa video, ta pertenese na- y lo wordo maneha directamente door di FIFA.
Holger Kraetschmer, cu ta “Head of Consumer Foresight” na Adidas a declara: “Na Adidas nos tin e compromiso pa activamente y consistentemente duna un contribucion pa engradece e wega di futbol moderno pa hungador- y pa fanaticonan. For di e ultimo tecnologianan den nos sapatonan di futbol, material, uniform, y awor e “connected ball technology”, tecnologia y innovacion ta central den tur locual nos ta hasi.”
Adidas: Adidas ta un lider global den e industria di material y acesorionan deportivo. Nan oficinanan principal ta situa na Herzogenaurach, Alemania, empleando mas di 61,000 hende globalmente, y na aña 2021 Adidas a genera mas di €21.2 biyon na benta. Adicionalmente, Adidas ta e partner oficial di e torneonan mas grandi di futbol globalmente, manera FIFA su Copa Mundial, UEFA su Campeonato Europeo (EURO), UEFA Champions League, y tambe Major League Soccer (MLS).
