No ta for di awo Aruba tin problema cu adictonan ambulante. Esaki ta un situacion cu comunidad di Aruba ta bibando cu ne pa hopi aña. Kico realmente a haci pa e adictonan aki ta abase obligatorio bay den un fundacion pa haya ayudo y no laga nan di nan mes boluntad pa drecha. Esunnan cu no kier drecha ta keda un molester den nos comunidad y un mahos bista pa nos turismo.
Aki un biaha mas ta mira un adicto ambulante drumi den porta di un restaurant prestigioso y den un skina unda turistanan ta frecuenta. Aruba ta conoci pa ta un pais turistico y cu tin siguridad. Sinembargo kico e imagen di un adicto ambulante lo haci of por haci cu e impacto turistico.
Aunke no ta na tur skina nan ta, pero nan t’ey y hopi biaha den bista unda e bishitantenan ta frecuenta. Kico ta e meta pa por sigura un miho bida pa e adictonan ambulante cu no kier yuda nan mes debi cu nan ta hopi debil pa haci e paso pa nan mes un porvenir? Ta spera cu teamnan cu ta traha cu adictonan ambulante por mira tipo di situacionnan asina y e impacto cu e por causa na cada turista cu pasa eynan cu ta bishita restaurantnan prestigioso den bisindario.
