Recientemente mi tawatin e honor di fungi como maestro di ceremonia, cu guia musical di artista Chris Kross, pa un apertura particular na Pos Chikito. Dilanti di un publico grandi, e cas pa adultonan “Cas Ma Chia” tawata inaugura.
Tanto director Reeshma Tromp como e guia di cuido di Cas Ma Chia, Mary-Ann Kock a papia y a gradici un y tur cu a colabora pa haci e cas pa cuido di adultonan mayor di Aruba, un realidad.
Un momento bunita tawata e contamento di e storia di señora Sira Boekhoudt “Ma Chia” na tur presente. Señora Sira Boekhoudt a bira viuda ora cu su yiunan tawata chikito. E ta un persona cu pa ocho (8) biaha a haya cancer y a sobrebibi esaki. “Ma Chia”, a sa di lanta su yiunan cu tanto cariño haciendo dos (2) trabao como cu e nunca a ricibi pensioen di viuda.
E tawata presente y a haci acto di inauguracion oficial. Cu esaki mi ta gradici e team completo di Amilias Care deseando nan hopi cariño y exito den e trabao importante aki.
