Den Pisina Olimpico Roly Bisslik na Savaneta a tuma lugar e segundo edicion di Tyr Giants
International Competition. E paisnan cu a participa, cu mas cu 160 atleta, tawata Colombia, Trinidad
& Tobago, Bolivia, Corsou, Surnam, Bahamas y Aruba. E refereenan tawata Nadia Nercisio di Corsou,
Esther Keetlaer di Aruba, Jay & Rebecca Thomas y Anne Lawley di Estados Unidos di Norte America. E
maestro di ceremonia di ful e evento tawata Addonsito Croes.
Pa 4 dia e atletanan a competi cu otro riba un nivel internacional y Aruba por ta orguyoso di e forma
con tur cos a cana. E medayanan tawatin e diseño unico di Patrick Groters. Un pabien na Giants
Aquatics Aruba y danki na cada boluntario, cas comercial, coordinador, mayor, atleta y publico cu
tawata presente. Pa tur informacion por bishita e pagina riba FB di Giants Aquatics Aruba. Den 2025
nan lo t’ey atrobe.
