For di luna di mart Kolegio Ehekutivo a kuminsá ku e proseso pa tur luna aktualisá preis di gasolin na Boneiru konforme e preisnan di kompra mensual. E adaptashonnan mensual ta tuma lugá kada biaha riba e di dos djabièrnè di luna.
Entrante 15 di yüli 2022 un biaha mas ta adaptá e preisnan di benta pa kombustibel. Den e adaptashon di preis akí a apliká e preskripshonnan di e Dekreto Temporal di 25 di mart 2022 relashoná ku e redukshon di akseins Hulanda Karibense 2022, nr. 2022-104414, (Staatscourant Nr. 8683 di 28 di mart 2022). Te ku 1 di aprel 2022 e tarifa di akseins pa gasolin (MOGAS95) tabata USD 31,86 sèn pa hèktoliter. Konforme e dekreto temporal menshoná akí riba e tarifa di akseins pa gasolin (MOGAS95) ta USD 15,86 sèn pa hèktoliter pa e periodo di 1 di aprel 2022 te ku 31 di desèmber 2022.
A base di loke tin menshoná akí riba Kolegio Ehekutivo ta anunsiá e siguiente preisnan di benta pa kombustibel:
| Kombustibel | Preis entrante 10 di yüni 2022 | Adaptashon |
| Gasolin | $ 1,53 | + $0,33 |
| Disel | $ 1,32 | + $0,10 |
| LPG 100 | $ 63,45 | – $0,17 |
| LPG 20 | $ 13,33 | – $0,03 |
A ilustrá e adaptashonnan di preis na Boneiru, Aruba i Kòrsou den e grafiknan akí bou. Den e grafiknan por mira ku e preis di benta aktual pa gasolin i disel ta kana pareu ku e preisnan di benta na Kòrsou. Medidanan di parti di gobièrnu, entre otro redukshon di akseins, ta inkluí den e preisnan di benta na Boneiru i Kòrsou. Sin e redukshon di akseins e preis di gasolin lo tabata mas haltu.
Splikashon di e komponentenan di tarifa
| Komponente | Splikashon |
| Preis di kompra | |
| Preis di kompra pa Curoil | |
| Márgen di Curoil NV | Márgen di Curoil pa gastu di almasenahe / transbordo Kòrsou -Boneiru |
| Gastu di transporte KÒR-BON | Gastu di Curoil pa transporte Kòrsou – Boneiru |
| Fuel supply quarantee | Provishon pa motibu di gastu operashonal di refinería Kòrsou |
| Fuel supplv quarantee2 | Provishon pa motibu di gastu operashonal di refinería Kòrsou |
| Preis di kompra BON | Tur e komponentenan menshoná akí riba kontá huntu |
| Márgen di Curoil | Márgen di Curoil pa distribushon di kombustibel na Boneiru |
| Akseins | Akseins |
| ABB | ABB |
| Márgen di OTB | Pago na kompania di gobièrnu Oil Trading Bonaire – OTB |
| Faktor di korekshon | Faktor pa kalkulá diferensia entre balotashon i realisashon di e preis di kompra |
| Preis di benta por mayor | Tur e komponentenan menshoná akí riba kontá huntu |
| Márgen di rebendedó | Márgen di doñonan di pòmp pa benta di kombustibel na Boneiru |
| Preis di benta por menor | Tur e komponentenan menshoná akí riba kontá huntu |
