For di luna di mart Kolegio Ehekutivo a kuminsá ku e proseso pa tur luna aktualisá preis di gasolin na Boneiru konforme e preisnan di kompra mensual. E adaptashonnan mensual ta tuma lugá kada biaha riba e di dos djabièrnè di luna.
Entrante 12 di ougùstùs 2022 un biaha mas ta adaptá e preisnan di benta pa kombustibel. Den e adaptashon di preis akí a apliká e preskripshonnan di e Dekreto Temporal di 25 di mart 2022 relashoná ku e redukshon di akseins Hulanda Karibense 2022, nr. 2022-104414, (Staatscourant Nr. 8683 di 28 di mart 2022). Te ku 1 di aprel 2022 e tarifa di akseins pa gasolin (MOGAS95) tabata USD 31,86 sèn pa hèktoliter. Konforme e dekreto temporal menshoná akí riba e tarifa di akseins pa gasolin (MOGAS95) ta USD 15,86 sèn pa hèktoliter pa e periodo di 1 di aprel 2022 te ku 31 di desèmber 2022.
A base di loke tin menshoná akí riba Kolegio Ehekutivo ta anunsiá e siguiente preisnan di benta pa kombustibel:
| Kombustibel | Preis entrante 12 ougùstùs 2022 | Adaptashon despues di 15 juli 2022 |
| Gasolin | $ 1,64 | – $0,22 |
| Disel | $ 1,51 | + $0,09 |
| LPG 100 | $ 61,23 | – $2,05 |
| LPG 20 | $ 12,89 | – $0,41 |
