KRALENDIJK, Bonaire
En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 3 di aprel 2020. Gobièrnu di Boneiru ta partisipá ku e adaptashon di preis entrante 3 di aprel 2020 ta resultá den un bahada di preis pa mogas, kerosin i gasòil. Preis di lpg100lbs i 20 lbs ta keda meskos kompará ku luna di febrüari 2020.
E bahada di preis pa mogas ta di 18.00 dòler sèn, pa kerosin ta di 21.00 dòler sèn i pa gasòil e ta 20.00 dòler sèn.
E próksimo adaptashon di preis di kombustibel lo ta den luna di mei 2020.
Aki ta sigui un lista di tur e preisnan di e produktonan di kombustibel manera stipulá dor di Gobièrnu di Boneiru i ku lo drenta na vigor 3 di aprel 2020.
Preis por mayor
Mogas 95 108.09 USDct pa liter.
Kerosin 44.37 USDct pa liter.
Gasòil 65.98 USDct pa liter.
LPG 100LBS 30.66 USD pa silinder.
LPG 20LBS 7.91 USD pa silinder.
Preis pa detayista
Mogas 95 115.00 USDct pa liter.
Kerosin 47.00 USDct pa liter.
Gasòil 70.00 USDct pa liter.
LPG 100LBS 36.78 USD pa silinder.
LPG 20LBS 9.42 USD pa silinder.
