ORANJESTAD,Aruba
Ta trata aki di algun studiante, di cual niun a cuminsa scol ainda. Y un miembro di nos team, ken na momento cu a presenta sintoma a restringi su mes di bin scol.
Scol a tuma contacto cu DVG, kende no a wak e necesidad di cera scol, como cu a tene nos mes na un manera estricto na tur protocol di DVG.
Ta nos deber como scol pa salvaguardia e privacidad di nos personal y alumnonan y door di esaki nos ta mantene nos mes na e derecho di privacidad di nos studiante y personal. Mescos ta nos deber pa primordialmente cuida otro door di mantene distancia social, laba man constantemente y uza tapaboca pa asina evita contagio na scol.
Directorado di scol mescos tur hende na Aruba tambe ta preocupa cu e cantidad di casonan cu tin actualmente y cu ta aumentando. P’esey nos ta sigui e protocolnan di DVG estrictamente pa asina hunto nos por sigui brinda enseñansa na nos alumnonan cu tanto merece esaki.
