Actividad Fisico, un tiki ta bal hopi!’ ta e lema di ‘Dia Mundial di Actividad Fisico’ pa 2021. Fecha cu ta wordo celebra tur aña mundialmente riba 6 di April. Ta pa e motibo aki Instituto Biba Saludabel y Activo (IBiSA) y Fundacion Movemiento ta Bida a proclama luna di april ‘Luna activo’. Keda pendiente di e Facebook page di IBiSA Aruba y miembronan di Plataforma Promocion di Salud (DVG, SVb, AZV, Dr. Horacio Oduber Hospital, FADA, WGK) pa diferente informacion tocante e importancia di actividad fisico pa nos salud.
E palabra actividad fisico ta wordo uza hopi, pero kico ta actividad fisico? Actividad fisico ta cualkier movecion cu e musculonan di e curpa ta haci cu ta gasta energia/caloria. Pues no ta solamente haci deporte y bay gym, sino tur movecion cu bo ta haci cu ta pone bo soda y hala rosea mas lihe. Algun ehempel: haci cas of cura limpi, traha den cura, chapi, hark, cana den naturalesa, landa, laba auto y pone musica na cas y baila bay gol. Con cu bo kier haci actividad fisico, percura pa bo acumula 30 minuut pa dia si bo ta un adulto y pa muchanan bou di 18 aña e cantidad ta 60 minuut pa dia.
Participa hunto cu nos na e ‘luna activo!’ y haya tur e beneficionan pa bo salud.
