Fundacion Chico Harms a yama un conferencia di prensa pa anuncia nan celebracion. Segun president di e fundacion manera tur aña nan ta prepara pa nan actividad di dia di Brazil. E aña aki ta tin un programa amplio pa comunidad di Aruba , pero specialmente esunnan di Brazil bin celebra.
E actividadnan lo cuinsa dia 28 di mei unda cu lo tin e prome actividad cu ta habri e actividad di dia di Brazil Oficial. Riba e prome dia lo cuminsa cu un parada sin coriente, esaki ta un parada cu ta uza sin nada cu tin di haber cu coriente, tur grupo ta wordo invita pa esaki y bin cu nan instrumentonan y haci e parada unico y original, e parada ta sali for di misa di Brazil pa 4:30 di atardi y ta termina na centro di bario Brazil. E parada aki ta di tres biaha cu e ta keda organisa y e ta canando den un bunita manera, esnan cu kier participa por bisti nan trahe cultural y forma parti di e parada diadomingo dia 28 di mei 2023.
E siguiente actividad ta di San Juan riba 24 di Juni cu ta cai riba un diasabra y cu ta spera cu centro di bario Brazil ta completamente yen y celebra e parti cultural aki. Tambe ta bay tin bunita premio pa e ganadornan, dia 29 di juli lo tin cantica di caya, esaki ta mane un sorto di roadmarch cu lo bay dirigi e parada, por bisa cu ya caba tin 7 grupo cu a confirma. Sinembargo ainda tin luganan habri pa tur e musiconan cu kier participa ainda y trece un ambiente unico cultural pa Aruba y e bario di Brazil. E inscripcion ta te cu dia 24 di juni. Mescos cu tur aña ta trata di haya participantenan infantil, hubenil y adulto pa participa.
Dia 19 di augustus tin batacaso tipico, esaki ta specialmente na esunnan cu sali ganado riba dia 29 di juli lo bini hunto y pone un fiesta bailabel den centro di bario Brazil. Riba 26 di augustus lo tin coronacion di Reinanan unda cu tin 7 categorianan cu lo cuminsa cu ne cu lo cuminsa na baby y te na gran dama cultural. Alabes lo corona tambe nos pilar cultural cu ta keda scogi tur aña, ta trata aki di un persona mayor cu a destaca pa hopi aña caba y cu a haci hopi pa cultura di Aruba. E show ta cuminsa pa 7:30 unda cu e candidatanan lo haci un show hunto ,pero despues cada candidato lo haci nan show separa sea cu e ta di baile of comedia pero e mester ta un show cu ta identifica e cultura di Aruba.
Dia prome di september tin e parada cu lanterna , dia 2 september tin show cu tambu pa cu esaki ya caba tin 5 grupo di tambu cu a inscribi pa nan bin duna nan show di tambu y dia 3 di september tin e parada folklorico cultural. Pa 29 di October tin e grandioso show y cuminda multicultural na centro di bario Brazil.
1 comment
[…] Source link […]