Den fin di siman e team partido POR a subi cayanan di San Nicolas y e acogida tabata hopi grandi.
Lider di POR, Alan Howell a indica cu e forma con ciudadanonan di pariba tabata ricibi e famia di POR tabata uno hopi satisfactorio, mustrando cu finalmente por mira un partido cu ta dunando atencion real na e parti aki di nos isla.
Por a sinti e entusiasmo y deseo di traha entre e miembronan di e team di POR y esaki a wordo traspasa tambe pa e ciudadanonan cu nan a topa. Nan tambe a mira cu e posibilidad di un miho futuro por wordo logra, cu un team manera esun di POR.
Den e siguiente dianan e team lo sigui mobilisa tur rond Aruba pa hiba nan mensahe den tur bario di nos isla, creando e positivismo y entusiasmo necesario pa logra un miho porvenir pa nos pida baranca, pasobra Hunto Nos POR!
