E biahe di ACE Tweens pa Aruba ta kanando tremendo. Despues ku 9 hoben i 4 .lider a biaha pa Aruba, trabounan a kuminsa mesora pa grupo. Den e prome siman nan a partisipa den diferente tayer di arte kaminda ku nan a haña entre otro, tayer di poesia, arte, produkshon di muzik i tambe baila. Di baile nan a sigui tayer di Funk Brazileño, Dancehall, Afrobeat, Latin Fusion, kontemporaneo, Flamenco Bachata, Breakdance i Hip-Hop. Banda di esaki tambe nan a hasi diferente weganan pa warm-up na komienso di kada dia. Riba un di e dianan ACE tabata tin na su enkargo e “warm-up” dia dia i aki nan a probecha pa komparti ku Aruba nos dushi simadan. Asina nan a kumpli ku un di e metanan di e biahe di Aruba kual ta komparti nos kultura ku nos hermana isla.
Den fin di siman ku a pasa ey tambe ACE Tweens tabata tin e honor di a risibi e oportunidat pa presenta na sertamen di Miss Teen Aruba. E publiko presente a keda enkanta ku e presentation di e hoben nan. Banda di esaki tambe e hobenan a hasi un flash mob, na Divi All Inclusive Resort Aruba huntu ku Popcorn Dancers. Esaki sigur ta mustra e versatilidat di e hobenan aki ku ta kla pa presenta na momentu ku oportunidatnan presenta.
Aworaki e hobenan ta preparando pa diferente presentashon ku lo tuma luga e fin di siman aki. ACE Foundation kier a yama un dank nai Departamentu di Cultura Aruba (Julie Merencia i Jhon Freddy Tobón Montoya), Entidat Publiko Boneiru, MCB Bonaire, Fundashon Wega di Number Bonaire, Prins Bernhard Cultuurfonds Caribisch Gebied, Bonaire Marine Center, Landsloterij, Live 99.9 i Breezy Fm i tur ku mesora a kere i a juda pone e granito pa nos muchanan por sigui desaroya.
