Segun Anthony Sneek di Grupo ‘’Nos Kier Husticia’’ tin un articulo den nos statuut , e statutonan Hulandes cu ta articulo 43 lid 1, lid 2 unda cu ta bisa bon cla cu cada pais tin di carga e responsabilidad pa e garantisa y proteha loke ta e derechonan , libertadnan, estado di derecho y tambe e deugdelijkheid van bestuur, esey ta significa pa tin gobernantenan drechi cu ta goberna e Pais aki.
Den lid. 2 ta bisa cu si e pais nan no por carga e responsabilidad aki , Grupo ‘’Nos Kier Husticia ‘’ su argumento ta duna di conoce mirando loke conseho supremo electoral a contesta, no tin diferente ley , mirando con mike eman partido AVP a desafia nos pueblo riba un moral grounds , grupo ‘’Nos Kier Husticia ‘’ kier pa koningkrijk , gobernador y Rey cay aden dor di no huramenta Benny Sevinger.
Sinembargo e paso aki ta fuerte mirando cu loke ta pidi ta algo hopi serio y ta algo hopi di lamenta tanto pa Benny Sevinger y pa nos como Arubiano. E ta mas lamentabel pa parlamento di Aruba cu tin cu bay pasa e berguensa aki. Sinembargo gobernador tampoco no por dicidi riba su mes cu e no ta bay huramenta Benny Sevinger y ta pa e motibo aki mes ta colecta firmanan cu ta bay specialmente pa VNO y gobernador di Aruba cu ta representantenan di Hulanda aki na Aruba.
Loke ta importante ta cu tin un pueblo cu ta prefera pa Benny Sevinger atende su asuntonan di husticia prome. No ta papiando si Sevinger ta culpabel of no pero ta trata cu sevinger tin un asunto pendiente cu husticia Arubiano y ta pesey ta cera na KIA na e momentonan aki.
Colectando firmanan aki ta manda e mensahe cla pa Hulanda cu pueblo di Aruba no ta acepta e huramentacion di Sevinger. Tin un carta oficial cu ta bay keda entrega na gobernador di Aruba y cu ta splica paso pa paso tur e detayenan con e huramentacion aki por afecta nos economia, algemene belang, invercionnan, persidente nan cu tin poni den caso nan IBIS y e caso babel di sr schotte na Corsou cu a keda prohibi pa bay eleccion y Paul Croes cu tambe despues di su caso cu tambe a keda prohibi pa e participa na eleccion.
Tur e puntonan aki a pone cu Grupo ‘’ Nos Kier Husticia ‘’ ta pidi na reino pa mira e situacion y pa pone un stop na tur loke AVP a yega di haci y ta haciendo cu Aruba.
Segun Anthony Sneek si abo ta stima pais Aruba y no kier mira e organo di mas halto di nos pais mancha y cu ta bira pa historia paso nos no lo por reprosede, e ora bo mester bay firma. Cu tur e firmanan gobernador ta mira tambe cu e tin e apoyo di e pueblo di Aruba y e lo sali na vanguardia di e pueblo Arubiano.
Pesey mes awor aki ta e momento pa lanta for di soño y pone bo firma. Henter e weekend aki por localisa grupo ‘’Nos Kier Husticia ‘’ na diferente rotonde y tambe na sede di MEP Aruba completo firma.
