Diamars algo prome cu 9’or y mey di anochi a sosode un accidente cu dos persona herida y hopi daño material riba e caminda di Sero Pita pa Tamarijn.
Un I10 tabata biniendo di pazuid y un Audi SUV biniendo di panort, e impacto tabata hopi fuerte cu e I10 a bay para bandi pariba di caminda y e SUV a bay para varios meter mas pazuid. E I10 a haya hopi daño material den banda. Na e sitio nos a bin compronde cu un di e autonan lo a hala na su banda robes y lo a dal den otro .
Polis di trafico a presenta na e sitio pa asina tuma declaracion di e chauffeurnan y pa asina haci e investigacionnan necesario.
Dos ambulance a presenta y despues di a trata e dos personanan levemente herida a dicidi di transportanan pa hospital pa asina nan por haci un checkeo medico mas avansa. Slachtofferhulp a wordo pidi na e sitio, mirando cu e personanan envolvi a keda hopi spanta.
