Boneiro ta preparando pa dia 16 di september awor pa scucha alrededor
di 10 storia cortico skirbi pa autor y contadonan nobo di cuenta cortico.
E proyecto aki ta un iniciativa di Academia Papiamento pa promove nos idioma
papiamento, principalmente nos dicho y proverbio nan. Mas o menos 14 hende a
participa na e curso di skirbi y conta cuenta. Segni Bernardina di “Art Culture
Education Foundation” a duna e cursonan.
Despues di tres luna di preparacion nos ta cla pa presenta na Boneiro algun storia
cortico nobo, asina Elsmarie Beukenboom di Academia Papiamento a bisa.
E participantenan mester a uza dicho y proverbio pa inspira nan pa skirbi un storia
cortico. Mester bisa cu e storianan ta varia den genero di dramatico te chistoso.
