Dianan 20 te cu 22 di September, sindicato ABVO a participa na reunionnan di e plataforma di consulta di sector pa Caribe Hulandes, (sector overleg rijksdienst caribisch nederland) na Den Haag, Hulanda ta trata aki di e plataforma den cua ta atende asuntonan di organisado y e posesion huridico di empleadonan publico di RCN.
Esaki ta un reunion di consulta riba nivel di reino cu ta tuma lugar mas of menos cada kwartaal den cua ta atende diferente aspectonan di trabou i organisacion pa empleadonan publico cu ta kai bou di rijksdienst caribisch nederland. A atende diferente di e rapportnan di organisacion i structura di diferente departamento, manera e.o. SSO, BCN, KPCN y CBS. Mas aleu tambe a plania cursonan pa miembronan cu ta forma parti di e plataforma den cua lo bay duna formacionnan riba tereno sindical. Den e caso aki a plania esaki pa tuma luga den luna di Januari 2024.
Tambe manera ta e custumber, a stipula puntonan di interes den un agenda pa trata esakinan durante di e reunion di e tres dianan na Den Haag conforme palabracionnan den cua e.o. Indexacion di toelagenan, tempo liber pa atende cu cuido di yiunan. ABVO a trata tur e puntonan deligentemente pa saca mas tanto probecho posibel pa miembronan cu ta traha na RCN. Cierto di e rapportnan no a haña aprobacion di parti sindicatonan, sea pa falta di mas informacion, o pa motibo cu esaki no ta completo o no ta cumpli cu tur e rekisitonan pa sindicatonan por atende o aproba . Esakinan a bay bek pa e diferente instancianan pa keda completa conforme deseo di e sindicatonan pa nan miembronan na RCN.
Delegacion di ABVO ta consisti di sr. Roland “Nacho” Ignacio, sr. Robert sances y sr. George Hernandez. Abvo ta un di e participantenan cu mas miembro den e consulta sektoral pa RCN, hunto cu e demas sindicatonan ACOM, NAPB i STRAF.
