Dialuna mainta 10’or mester a tuma luga Regiezitting caso Avestruz. Sin embargo abogadonan a pidi pa pospone esaki pa motibo cu nan no a logra keda cla cu lesamento di e procesverbaal.
Mr. Rudy Oomen a splica prensa cu tabata imposibel pa nan keda cla mirando cu ta dia 16 di december, 2021, den pleno dianan di fiesta di fin di aña, Ministerio Publico a manda nan e procesverbaal. E dossier aki ta consisti di casi 21 mil bladzijde. Hamas por keda cla di studia esaki den un luna di tempo.
Un di e abogadonan, mr. Canwood, a conta cu e mester a laga un negoshi di print haci e trabou aki p’e y el a dura casi un siman.
Tur e abogadonan a uni nan mes na e ponencianan di Oomen, y a señala cu e oficinanan penal na Aruba ta hopi chikito pa cual nan no tin e personal necesario tampoco pa accelera e trabou si mira cu nan tin mas cliente. Pues nan a pidi pa pospone e regiezitting pasobra no a haya tempo suficiente pa studia e dossier. DIamars merdia Huez lo informa abogadonan di su decisión. Nan a pidi sigur un luna y mey mas. Pues pa esaki tuma luga riba prome di april. Pa loke ta e fecha nobo, lo tuma un decisión diaranson.