Abogado Rudi Oomen ta abogado di Nina y Gabi Werleman durante di finalisacion di caso di Aveztruz cu Hues mester a tuma un decision e famia Werleman a sali contento y satisfecho cu e decision di Hues. Abogado Rudi Oomen ta e abogado cu a defende e famia y na salida ta duna di conoce cu e caso a bay hopi bon y for di dia cu e presenta tur e argumentonan tabata hopi optimista y hof a honra e peticion cu a ser pidi pa vrijspraak unda cu a declara e clientenan liber “Vrijgesproken” di tur e cargo nan . Famia Werleman a keda hopi contento y sigur como abogado tambe ta hopi contento di e decision di Hues.
E tabata un bataya hopi largo y complica pero e resultado ta hopi bon y ta hopi satisfecho. Segun abogado Oomen no tabatin ningun base cu por bisa cu su cliente a defrauda gobierno dus comete fraude “ oplichting” mane nan ta bisa na Hulandes . Na momento cu ricibi e vonnis lo lesa esaki y haya sa mas e detayenan.
Loke cu ta bon cla cu Nina y Gabi Werleman a keda exonera completo di tur cargo riba nan y esaki ta algo hopi importante. Abogado Oomen ta duna di conoce cu cada ken cu keda liber di tur e cargonan por manda un daño di perhuicio y pidi pa tur locual nan a pasa aden y cu nan mester a paga pa defende nan mes, pero esaki lo haci despues cu wak si Ministerio publico no bay apela mas y e ora lo tuma e decision pa lanta un caso di daño di perhuicio.
