Durante e dialogo publico na UNOCA Sra Nannett Croes di Occupation Health Therapist a elabora riba su experencia y duna varios tips valido con pa come mas saludabel. Aunke cu hopi hende ta critica cu cuminda saludabel ta caro, pero si mester mira realmente e no ta asina caro mane ta ser aparenta. Nannett Croes Director di Occupation Health Therapist ta kere cu nos comunidad mester ta mas educa cu solamente pensa na e manera tradicional di come.
Na momento cu a cuminsa cu su compania 8 aña pasa e la tuma nota cu e bida pa come mas saludabel no tabata mucho agradabel pa hopi hende. Sinembargo e reto pa tuma e area aki pa conscientisa y informa comunidad cu si por biba y come mas saludabel no tabata facil pero tampoco ta imposibel. E berdad ta cu tin hopi hende na Aruba cu no ta come saludabel.
Loke cu ta biba den e comunidad ta cu si biba un bida saludabel bo ta un persona laf, sinembargo esaki no ta cuadra cu berdad, pero esaki ta un indicacion di e pensamento cu ta completamente robes den biba un bida mas saludabel. Pa e motibo aki mes Sra Nannett Croes di Occupation Health Therapist a tuma e reto y a haci diferente seminarionan caminda ta educa e comunidad cu bo por biba saludabel y na mes momento have fun, ta activo y social.
Tambe un di e puntonan cu ta keda trece tur biaha padilanti pa por biba saludabel ta hopi caro, cuminsa ta hopi caro. Sinembargo segun Sra Nannett Croes di Occupation Health Therapist esaki no ta cuadra cu berdad tur loke ta come ta un escogencia y hopi hende ta scoge un carni enbes di boonchi. Come saludabel no mester ta realmente caro. Tin hopi receta hopi lihe y hopi facil riba facebook cu por ser haci na cas y comparti cu famia. Realmente come saludabel ta hopi mas barata y creativo enbes di un junkfood cu ta ricibi lihe pero no ta saludabel.
