KRALENDIJK, Bonaire
Wikènt último a resultá ku mas òf ménos 90% di e biaheronan ku ta sali for di Hulanda ku destinashon Boneiru, nan mes ta skohe pa laga tèst nan mes pa COVID-19. E porsentahe aki ta mustra ku biaheronan ta asumí nan responsabilidat, no solamente pa nan propio salú, pero tambe pa salú públiko na Boneiru.
Tèst di PCR
Boneiru ta supliká biaheronan pa laga tèst nan mes dentro di 72 ora promé ku salida. Despues di e tèst e biaheronan ta haña un deklarashon ku ta mustra ku nan a tèst negativamente. Ta trata aki di e tèst di PCR, ku no ta un di e tèstnan rápido ménos konfiabel.
Deklarashon di salú
Kada biahero pa Boneiru mester yena un deklarashon di salú promé ku e sali pa Boneiru. E formulario ta riba https://bonairepublichealth.org/en/form. E formularionan ta drenta na departamentu di Salú Públiko. Empleadonan di departamentu di Salú Públiko ke sa adelantá ken ke bini Boneiru i nan ke hasi un kalkulashon adelantá si tin posibel riesgo. Tambe di e manera aki nan por informá biaheronan tokante e maneho di biaha pa Boneiru. Ora ku pidi pa esaki biaheronan mester por mustra e deklarashon di salú na e empleado di departamentu di Salú Públiko na aeropuerto òf den haf. Esaki ta posibel pa medio di bai ku un formulario ku nan a prent den nan ekipahe di man òf pa medio di mustra e formulario den nan telefòn.
Mas informashon
Pa mas informashon tokante e maneho di biaha pa Boneiru, wak riba página di Facebook di Gobièrnu di Boneiru.