Banda di tur e retonan cu tin Minister di Labor, energia y integracion Glenbert Croes ta mira, tin un desaroyo positivo den e sector hotelero cu awo enbes cu e sector hotelero ta keda contracta trahado via “uitzendbureau “ esaki no ta bay ta e caso mas.
Minister di Labor, energia y integracion Glenbert Croes actualmente no a duna ningun “uitzendbureau “ permiso pa por fungi como “uitzendbureau “. Aruba tin 6 tipo di “uitzendbureau “ y ningun di nan a haya permiso pa por sigui eherce e permiso pa ta un entremedio entre e trahado y dunado di trabou.
Actualmente e dunado di trabou lo tin su contacto directo cu e trahado y por scoge un trahado nan mes cu den futuro e trahado por crece den su trabou y no keda mara na un contracto insigur di “uitzendbureau “ cu e lo no yega na nada vast.
Minister di Labor, energia y integracion Glenbert Croes no ta otorga ningun permiso pa ningun “uitzendbureau “ esaki ta un operacion cu a daña e mercado laboral y a detecta hopi abuso cu a y ta tumando luga. Pesey mes e decision a keda cu no lo otorga e permisonan aki mas y no lo duna ningun nobo tampoco.
Na momento cu a stop di duna e permisonan aki , e movecion cu por mira na e momentonan aki ta cu e hotel ta cuminsa firma directo cu e trahadonan y e ta beneficia e trahado den tur aspecto.
Sinembargo Minister di Labor, energia y integracion Glenbert Croes ta consciente cu e tin un reto den e mercado laboral y con lo e fortifica departamento di labor DAO, principalmente den e seccion di handhaving pa por haci tur e control nan, e trabou ta andando pero ta kere cu e departamento aki mester por keda apoya mas.
E structura di regla y leynan cu na momento cu ta abusa di trahado ta haya un chance pa corigi, pero despues di algun biaha lo cuminsa haya boet of bo negoshi ta wordo cera. Esaki ta puntonan cu ta wordo poni caba den e maneho di handhaving pero e mester keda apoya y controla mas cu tur hende ta cumpli cu ley aki na Aruba.
Banda di tur cos nos mester por fortifica e departamentonan unda cu mester busca mas hende pa pone na trabou, pero lamentablemente cu Aruba no tin e espacio ey na e momentonan aki.
