Dia 15 di yüni 2022 Kolegio Ehekutivo di Boneiru a stipulá e Programa di Ehekushon Supervishon i Mantenshon di Lei 2022. E kuadronan ku nan a inkluí den esaki ta hasi evidente pa tur hende kon den práktika ta apliká e reglanan pa supervishon i mantenshon di lei.
Boneiru ta krese i kambia rápidamente. Pa por guia e desaroyonan den bon kaminda, Entidat Públiko Boneiru mester disponé di un organisashon di Supervishon i Mantenshon di Lei ku ta moderno, profeshonal i transparente. E programa di ehekushon renobá a bira realidat ku sosten di Ministerio di Infrastruktura i Maneho di Awa. Tokante e puntonan di salida a hiba deliberashon tambe ku tantu e Grupo di Direkshon Medio Ambiente komo e Grupo di Direkshon Tera i Awa.
Den e periodo tras di lomba Entidat Públiko Boneiru a hañ’é konfrontá ku algun trayekto kompleho di mantenshon di lei, ku a hasi evidente ku tin ora práktiká ta obligá nos pa pone interesnan ku no tur ora ta kana paralelo, kontra di otro den balansa. E programa ta fortifiká e predesibilidat i konfiabilidat di e forma den kua ta ehekutá e tareanan di Supervishon i Mantenshon di Lei.
E prioridatnan pa aña 2022 ta:
1) Dùmpmentu ilegal di shushi
2) Kobamentu ilegal di greis
3) Konstrukshon sostenibel na kosta
4) Introdukshon di legislashon nobo pa empresa
5) Siguridat di kuminda
6) Hürmentu ilegal di bibienda pa rekreashon
Dentro di poko lo publiká henter e programa di ehekushon.