Abo ta e unico responsabel pa bo salud. Hopi ta ser papia y conseha na henter comunidad di Aruba, Aruba no ta un pueblo bobo mirando cu hopi di nos ta busca hopi informacion den exterior di tur loke cu ta pasando riba henter e pandemia di COVID-19.
Kico realmente ta pone nos tog di no cuida nos mes y no cumpli cu e reglanan stipula ? Nos mes ! , esey ta e unico respuesta cu por haya den henter e situacion aki. Aunke hopi ta ser bisa y hopi ta ser conseha NOS MES ta opta pa pone nos salud den risico. Awe un biaha mas Segun resumen di DVG y Hospitaal 21 persona a recupera, a registra un total di 73 caso nobo di Covid-19, di cual 10 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 734 test. ‘Postivity rate’ entre nos residentenan ta 25%. Casonan activo pa awe ta 379, cantidad di fayecido relaciona cu Covid-19 ta 81. Hospital ta informa cu tin un total di 31 persona interna di cual 11 ta den Cuido Intensivo y 20 riba unidad general di covid.
