Ayera mainta den parlamento a tuma luga reunion soleme pa aña parlamentario nobo 2023-2024. Sala tabata completamente yen y na unda cu tur hende tabata bisti bunita pa por a habri anja parlamentario.
Presidente di parlamento Edgar Vrolijk a hiba palabra y ta indica cu e di dos diamars di luna di september parlamento ta celebra su apertura di aña parlamentario nobo. Tur e parlamentarionan presente den e sala ta invitadonan di honor pa e apertura.
E aña parlamentario ta un dia hopi special y di hopi importancia di funcionamento di e sistema democratico na Aruba. Dia 12 di september 2023 ta cera e aña parlamentario 2022 -2023. Den e anja hopi trabao a keda haci pa mehora e funcionamento di e di dos organo di mas halto di Aruba cu ta parlamento. Alabes e dia ta marca inicio di un aña parlamentario nobo 2023-2024 unda cu lo enfoca riba trabaonan cu mester termina na bienestar di funcionamento di parlamento. Segun presidente di parlamento Edgar Vrolijk esaki sigur ta marca inicio di un aña mas cu trabaonan grandi y cambionan cu lo marca un rumbo nobo pa parlamento y cu lo beneficia nos futuro generacionnan parlamentarionan positivamente nos dilanti.
Prome minister di Aruba Evelyn Wever Croes y su gabinete tabata presente den parlamento, parlamentarionan tur tabata presente den sala di parlamento, pero tambe secretario di minister raad, representantenan di conseho consutativo, controlaria general, corte comun di husticia, ministerio publico, representantenan di banco central, conseho social economico, camara di comercio y diferente asociacionnan importante di Pais Aruba. Tambe tabata presente ex presidente nan di parlamento, ex griffiernan di staten, representantenan di Hulanda na Aruba, representante di marinier kazerne na Aruba, hefenan di departamento di gobierno y tambe EPB San Nicolas cu ta presente den publico.
Presidente di parlamento a keda re elegi presidente actual di parlamento Edgar Vrolijk y voce presidente a keda re eligi Raymond Kamperveen. E comision cu a keda apunta mester a bay busca gobernador di Aruba pa asina trece gobernador Alfonso Boekhoudt den sala di parlamento pa por habri e aña parlamentario. E comision ta consisti di Parlamentario Shailiny Tromp Lee (MEP). Sra.Aguanette Gun (MAS), y Sra.Mervin Wyatt Ras (AVP).
