Reorganisacion den departamentonan di gobierno a cuminsa algun aña atras, tin algun departamentonan cu gobierno a cuminsa pa mehora e servicionan pero a para esaki. Prome Minister Evelyn Wever Croes ta duna di conoce cu tin algun di e departamento nan cu gobierno a pone prioridad riba nan pa wordo reorganisa, no a haci tur mirando cu cada departamento ta tuma su tempo y mester pasa den diferente procesonan. KIA ta un di e departamento cu a pasa den un reorganisacion grandi, pero actualmente a tuma un decision den minister raad cu den e siguiente 9 luna nan aki no lo bay tin reorganisacion.
Segun prome minister Evelyn Wevert Croes esaki ta pa motibo cu DHR ta trahando riba un proyecto hopi crucial na e momentonan aki cu ta e proyecto di restructuracion di aparato gubernamental. Den pasado a yega di tende di kerntakeanalyse unda cu por compara esaki mas of menos. Segun prome minister Evelyn Wever Croes a siña di tur e erornan di pasado cu no a keda implementa pa awo haci algo cu si ta wordo carga y implementa.
Den e siguiente 9 lunanan lo bay enfoca di kico ta e tareanan cu un gobierno mester haci y si gobierno ta haciendo esakinan. Segun prome minister tin tareanan cu ta wordo haci pero nan no ta tareanan di gobierno y aki ta caminda cu mester tuma decision y laga otro nan haci e trabao. Na mes momento tin tareanan cu gobierno mester cumplio cu ne y no ta haciendo esakinan, porehempel controla cumplimento y esey ta puntonan cu mester haci y pa e motibo aki mes DHR y otro departamentonan y Hulanda mester traha riba e restructuracion.
Segun Prome Minister Evelyn Wever Croes despues di 9 luna lo haya un proposicion di e comision den ki direccion nan ta kere cu gobierno mester bay pa por haci e tareanan cu un gobierno di Aruba mester haci.
Na momento cu yega na e punto di kico tur ta e tareanan cu gobierno mester haci, e momento ey ta yega na e conclusion cu un departamento mester ta mas visibel riba caya, porehempel DIP lo mester mira si e ciudadanonan ta cumpliendo of cu tin personanan cu a haya erfpact hopi aña atras y nunca no a construi riba esaki, e ora ey pasonan mester cuminsa tuma luga unda cu lo perde e erfpact y pa un otro persona haya esaki mirando tur e añanan cu no a traha riba dje y ta para na unda cu otro hende si ta cla pa construi riba dje.
Tambe tin tareanan a wordo structura unda cu a haci nan mas eficiente, tin algun persona a keda sin trabao debi cu e trabao a bira mas simpel, pero a pone e grupo aki pa bay controla mas y pa asina trece mas placa den caha di gobierno.
Segun Prome Minister despues di e parti aki e por tin e confiansa cu e ora por bisa con e reorganisacion lo bay continua. Tin algun departamento ya caba a cuminsa cu reorganisacion y nan lo wordo finalisa tambe, pero a palabra cu no ta bin cu reorganisacion nobo pa warda te na momento cu e proyecto di restructuracion keda cla y e ta keda presenta tambe na comunidad di kico ta e resultadonan ta y asina tambe comunidad di Aruba mes mira con lo bay continua.
Click aki bao like y share
1 comment
[…] Source link […]