Djadumingu último e barku krusero Enchanted Princess lo a mara na Boneiru. Pa motibu di bientu duru kontinuo (30 nudo i mas) e kapitan a disidí pa no hasi esaki.
Pa motibu di e bientu duru e kapitan no por a mara fásilmente. Keda mará durante ocho ora ku bientu fuerte lo a forma un riesgo haltu pa e barku i e pasaheronan. A base di konsiderashonnan di siguridat finalmente e kapitan a disidí pa no mara mas i kanselá e bishita na Boneiru.
Empleadonan di ofisina di haf a ofresé e kapitan diferente opshon i guia pa mara na Waf Nèlo Craane (waf di sùit). E kapitan a haña e opshonnan akí muchu riská. Awe e barku Enchanted Princess a kanselá su bishita na Aruba tambe pa motibu di bientu duru.
