Parlamentario di RAIZ Misha Raymond ta kere cu e reunion di presupuesto supletorio 2024 den parlamento a cana mucho largo unda cu a sali di parlamento pa 2:30 di madruga. Den e presupuesto supletorio gobierno por presenta cambionan cu nan kier haci pa loke ta trata e placa cu kier uza den nan maneho.
Parlamentario Misha Rymond a enfoca hopi riba e parti social y e desaroyo di nos muchanan. Algun di e preguntanan cu a keda haci ta riba un presentacion cu a haya den parlamento di Aruba for di Universidad di Aruba. Na 2019 a keda investiga experiencia di muchanan pa loke ta trata abuso. Den e investigacion aki a investiga 895 mucha unda cu ta mustra cu 80% di e muchanan a indica cu nan ta keda abusa fisicamente y 20%ta indica cu nan ta keda abusa sexualmente. For di e cifranan aki parlamentario Misha Raymond kier wak bek con maneho di gobierno ta enfoca riba mehoracion di e parti aki.
Parlamentario Misha Raymond ta indica cu berdad tin algun pasonan cu a keda tuma, pero nos mester ta mas atento debi cu tin diferente tipo di abuso nan cu ta influenciando nos muchanan y nan desaroyo. Loke cu Parlamentario Misha Raymond ta desea di sa kico realmente ta wordo haci rond di e problemanan aki di nos muchanan.
Sinembargo e contesta ricibi ta cu ta trahando y ta mira con lo bay atende cu e diferente abusonan cu e muchanan ta experencia, sinembargo tambe parlamentario Misha Raymond kier sa con lo bay midi bek e experiencia di e muchanan pa mira si berdaderamente e maneho cu a keda introduci ta traha of si e tin efecto.
Tambe a bin cu e punto cu tin dos kleuterschool cu no tin airco ainda y cu e calor ta haciendo ainda no por imagina cu te dia di awe tin dos kleuterschool cu no tin airco pa nos muchanan por haya les den un bon temperatura mirando e calor cu ta haciendo ultimamente. Sinembargo minister di enseñansa Endy Croes a clarifica cu pa augustus lo duna e dos scolnan e airconan necesario.
Tambe den parlamento parlamentario Misha Raymond a elabora riba e Physiotherapista nan cu ultimamente a indica cu e lista pa nan duna asistencia ta asina largo y nan no tin e capacidad pa por yuda tur esunnan cu tin mester di dje. Sinembargo minister di salud publico Dangui Oduber a duna di conoce cu ta bezig cu AZV pa traha un plan pa e situacion di e Physiotherapista nan.
Tambe a enfoca no solamente loke ta e desaroyo di nos muchanan, pero kico nos ta bezig cu ne. Berdad ta contento cu gobierno tin un surplus, cu ta un bon situacion financiero di pais Aruba, pero ta kere cu e mester bay den man den man cu welzijn. E mester cana hunto cu stimulacion di nos hendenan , nos muchanan y no por t asina cu 80 % di nos muchanan ta indica cu nan experiencia ta di abuso fisico y otro banda ta celebra cu nos tin un surplus. Pesye mes Parlametario Misha Raymond ta kere cu mester midi tur dos banda pa hunto nos por celebra tur dos banda unda cu Aruba ta para bon economicamente, pero nos hendenan y muchanan tambe merece di ta bon.
Parlamentario Misha Raymond den e reunion publico di tratamento di presupuesto supletorio a enfoca riba e desaroyo di nos muchanan , pero den su totalidad e hende con nos como politico ta tene na cuenta cu cada desaroyo positivo economicamente cu mester bay den man den man cu desaroyo positivo pa nos hende nan tambe.
Pa loke ta trata e reunion mes den su totalidad parlamentario Misha Raymond ta kere cu e reunion tabata hopi largo y hasta tabatin cierto expresionnan cu no mester a tuma luga mes. Dia 27 di juni lo haya contestacion nan di ministernan riba e preguntanan y despues Parlamentario Misha Raymond lo bay sinta den sala hunto cu su colega Raymond Kamperveen pa asina hunto tuma un decision riba votacion pa cu e presupuesto supletorio di Pais Aruba. Sinembargo por bisa di awo e desaroyo ta positivo, pero nos no mester lubida cu tin otro factornan tambe cu ta haci bo Pais un bon Pais y ta haci bo Pais contento.
