Colegio ehecutivo a tuma un decision pa en general permiti importacion di mercancia for di Venezuela sin limitacion. Diputado jolinda craane, encarga cu asuntonan economico, ta hopi contento cu esaki. “e reapertura di frontera maritimo cu Venezuela ta un paso importante pa habitantenan y empresanan di Boneiro. E expansion actual di e variedad di productonan cu nos por importa ta nifica mas oferta cu prijsnan mas abou, un sosten pa forsa di compra di e consumido i mas oportunidad pa comerciantenan i importadonan local.
Ta keda algun excepcion aplicabel si te ainda no ta permiti pa importa bestia bibo, carni, loke sobra ora mata bestia y cu por come, lechi, webo y otro productonan di bestia. No por importa pisca, otro bestia di lama (manera kreeft, carco, concha y kiwa), molusco (manera secat) y otro a menos cu tin kestion di un empresa, caminda e boto ta registra na Boneiro y cu ta den posesion di e permitnan corecto. Relaciona cu temporada di paramento di kreeft, bou di ningun condicion no por trece kreeft fresco Boneiro entre 1 di mei y 31 di october.
Mata y flor bibo tampoco no ta permiti, cu excepcion di specerij seco, zeta vegetal y sucu. A base di constelacionnan relaciona cu naturalesa y asuntonan veterinario te ainda un prohibicion di importacion pa hariña, simia y mata pa uzo den empresa ta na vigor i tambe pa remedi, yerba seco y productonan vegetal, por ehempel pa uzo artesanal. Blachi di banana procesa y empaketa pa ayaca si ta bon bini. No ta permiti producto di bestia, manera lana y cuero no procesa. Mescos ta conta pa plastic desechabel, oro, koper, nikel y cierto mata i bestia cu cites ta proteha. Arma, municion, remedi i droga tampoco no ta permiti conforme lei di opio di 1960 bes i combustibel pa importacion of benta.
Den caso cu importa cuminda of productonan alimenticio, esakinan tin cu cumpli cu e exigencianan di siguridad. Otro productonan mester ta nobo i nunca uza i na momento di importacion di vehiculo y bienes registra, manera por ehempel boto, mester proba cu esaki ta propiedad. “dentro di poco colegio ehecutivo ta spera di por anuncia institucion di un mercado di fruta i berdura pa asina duna oido na deseo di habitantenan di Boneiro, diputado craane a finalisa bisando.
