E federacion AVB no ta for di awo pero di basta tempo caba ta hibando un maneho no positivo pa e deportistanan y nan clubnan. E prome presidente tabatin hopi keho di dje y no tey mas, pero e siguiente presidente cu a core un campaña pa drecha e situacion y trece un mehoracion no ta mucho leu di e presidente anterior, pero pio cu e presidente prome cu ne.
Sinembargo promesanan a keda haci pa drecha AVB pa bienestar di clubnan y cada deportista y un biaha esaki ta wordo demostra cu no ta asina, pero tin diferente otro interesnan prome cu e interes mes di AVB y Arubaanse Voetbal Bond den su totalidad ta keda perhudica. EA news tin diferente informacionnan di varios banda unda cu hasta bon trahadonan a cuminsa laga e federacion aki mirando di e mal maneho y decisionnan cu ta tumando luga.
No ta un secreto cu e secretario general di AVB ta un docente y ta ter beschikking di minister na AVB y e ta gelink na USU, FFD cu ta dos instancia cu ta gelink direct cu AVB. Si mira e patronchi bon esaki ta mustra bon cla cu e ta un proceso di trabao cu ta conflicto di interes enorme cu ta tumando luga.
Banda di e ta un conflicto di interes, e persona na e posicion ey como secretario general ta cobra for di cada post esta AVB,ASU y FFD, esaki ta corecto ? Presidente di AVB ta completamente na altura di e situacion aki y a core un campaña pa e la bira presidente netamente pa mehora situacionnan den AVB y practica e good governance, pero loke cu ta pasando no ta practica di un good governance.
Esaki sigur ta un situacion di lamenta unda cu presidente di AVB ta na altura di e operacion aki y no ta haci nada riba e parti aki. Esaki ta un di e puntonan di e tantisimo puntonan cu miembronan di AVB ta hopi rabia y malcontento di e maneho di AVB y no kier ni pensa mes den direccion cu minister di deporte actual ta aproba e tipo di actonan asina.
Actualmente tin un eleccion na caminda pa un bestuur nobo di AVB y ta hole un cambio y aire fresco nobo pa un maneho nobo den AVB. Un presidente ta sinta 4 aña y Randol Lacle tin 2 aña caba sinta y falta 2 aña mas, pero e bestuur cu ta hefe di presidente ta sinta cada 2 aña pa maneha y yuda e federacion crece y bay padilanti.
Sinembargo den tur e añanan aki hopi cosnan straño a pasa y ta pasando. Un situacion sigur di lamenta mirando cu na final debi na un mal maneho y un mal direccion ta e deportistanan y futbol engeneral na Aruba ta keda perhudica.
Maniobranan straño cu ta pasa unda cu presidente di AVB ta reuni cu e clubnan prome cu reunion general y ta atende puntonan di reunion general ya caba prome cu e dia, dus por bisa ta coriendo un campaña pa un bestuur cu e ta desea como presidente di AVB , kico ta e motibo di esaki ?, ya caba ta sinti cu no tin confiansa y sosten di e clubnan ?
Tambe EA news por a compronde cu e jaarrekeing 2021 y 2022 no ta cla ainda pesey tin restriccion riba fondo di AVB. Tambe tin entendi cu presidente di AVB ta riba avion constantemente y kier maneha AVB via distancia, dia 14 juli awo lo e sali un biaha mas y lo regresa te dia 17 di juli bek.
Un otro punto cu tin mayoria club disgusta, ta cu aparentemente FIFA ta na liña di bay mirando e incumplimento nan cu tin, esaki sigur lo haci un daño enorme na futuro generacionnan y henter cadena di futbol na Aruba. EA news ta sigui di cerca e procesonan aki y tambe lo acerca presidente actual di AVB Randolf Lacle riba tur e puntonan aki pa mira si ta berdad y si lo haci cambio of no. Pero na mes momento kico tur e la haci den e dos añanan aki pa AVB pero tambe kico ta e plan nan di futuro y si tin un plan caba pa ehecuta pa vision di AVB na Aruba.
1 comment
[…] Source link […]