Dil di Patrimonio’ ta sostené proyektonan ku ta
hala atenshon, kaminda konservashon i uso di patrimonio ta bai huntu ku retonan teritorial
grandi di aktualidat, manera adaptashon na klima, transishon di energia, ekonomia
sostenibel, naturalesa i agrikultura, e reto di bibienda i mobilidat. E aña akí Boneiru tambe
a entregá un petishon pa bini na remarke pa fondonan for di e di 8 rònt di e Dil di
Patrimonio. Despues di un ‘pitch’ eksitoso ku tabata na enkargo di diputado Anjelica
Cicilia, a entregá e petishon definitivo na e Ofisina di Programa di Dil di Patrimonio. Entre
tantu Boneiru a risibí un mensahe positivo ku a añadí e proyekto ‘Di Boneiru pa Boneiru’
na e programa.
Den e proyekto ‘Di Boneiru pa Boneiru’ ku a keda entregá i a haña aprobashon,
mehorashon di bibienda ku balor kultural históriko ta para sentral. A tuma e bario
residensial outéntiko i históriko Rincon komo área di enfoke.
Nos aspirashon ta pa yega na un aserkamentu amplio kaminda no solamente ta restourá
bibienda i hasi nan sostenibel (energia, friamentu etc.), pero pa medio di un aserkamentu
ku enfoke riba área kaminda huntu ku e edifisio (e edifisionan), ta kombiná rekuperashon
di balornan di patrimonio i un restrukturashon adaptivo na klima di espasio públiko ku
vegetashon i posibilidat pa warda awa, ku e aspekto ekológiko (kurso di awa den e área:
roi i dam) i outosufisiensia, pa krea un edifisio i un ambiente ku tin impakto direkto riba
Rincon.
‘Pa medio di e aserkamentu integral akí nos no ke solamente kontribuí na redukshon di
eskases di bibienda, pero tambe na mehorashon di habitabilidat i konservashon i
fortifikashon di e patrimonio kultural di Boneiru’, segun diputado Anjelica Cicilia.
Ta bai usa e suma total di mas ku USD 2,1 mion pa pone un promé paso pa loke ta trata
restourashon i konservashon di nos patrimonio kultural históriko komo parti di un
aserkamentu ku enfoke riba área.
E proyekto akí ta den liña ku vishon di Kolegio Ehekutivo ku ta inkluí den e Programa di
Gobernashon Boneiru 2024 ‘E DIFERENSIA HUSTU I DURADERO’:
Provée den bibienda pagabel den barionan eksistente;
Mehorashon di habitabilidat den e barionan;
Fortifikashon di identidat históriko di Boneiru;
Fortifikashon di komponentenan sosial den barionan eksistente;
Patrimonio komo parti integral di ekonomia i turismo;
Invertí den mikroturismo.
