Luz
Nos ta den e temporada mas dushi di anya
E temporada di mas paz y mas lus
Ora nos curason ta cla habri pa confirma y ricibi
Nos Salbador di amor
Na nos priminti
Su nomber Jesus Emanuel e yiu di Dios
Cu den nos bida diario ta tur cos den y rond di nos
Su bunitesa y grandesa den splendor di su eterno lus
Nos ta come, bayla y celebra pa e regalo precioso aki na nos entrega
Pa medio di Jesus
Bida eterno na nos duna
Ban reafirma y bolbe accepta
Gloria y honor na Su nomber canta
Jesus sea alaba!
Bon Pascu na un y tur
No mas den scur
Awe den e lus cu semper ta ilumina nos mente y alma
E lus cu ta calma
E lus cu ta inspira
E lus di Christo
E lus di Jehova
Den nos ankra….
Ruthy
Un carino di curason
Carino , ser carinoso
No ta algo costoso
Cu bo atencion bo ta demoonstra aprecio y respet
Bo ta pa bo mes y pa otro un bendicion
Un palabra positivo
Un gesto constructivo
Un actitud di bondad
Tambe ta carino di berdad
Un pensamento bunita comparti
Tambe ta cu carino hasi
Carino ta famia di Amor prohimo duna
Un danki di curason
Un danki pe carino ricibi
Den un regalito of un flor
Inspira cu sinceridad y amor
Duna locual bo por na atencion, tempo, amor y carino
Bendiciona pa e Divino Nino
E curason di Pascu tur na luz
Nos bida , nos talentonan dedica na nos bon Jesus
Laga Jesus e Luz di mundo tur dia
Sigui ta nos inspiracion y guia
Un dushi Pascu y un Felis 2025 pa nos tur
Cu carino sigur
Ruthy ” Lady Ruth” Vrieswijk-Bergen
November 2024
Halleluyah
Hallelu hallelu hallelu halleluyah,
Alaba Jesus
Temporada di luz
Temporada di gradici
Celebra e nacemento
Contento
Sernan humano ta admiti
Animalnan atento
Naturaleza cu streanan ilumina
Den e anochi cla
Nos na mundo alabando
E rey ninjo
Fielnan y creyentenan orando
Cantando nan inspiracion di curason
Deseando tur un Bon Pascu
Y pa mas oro un bon anja yen di bendicion
Ruthy
Dec 2024
