Gobernador ta esun cu ta apunta un informador y e partido di mas grandi den e caso aki AVP ta apunta un formador . Lider di MEP Evelyn Wever Croes ta duna di conoce cu e tin tur confiansa den gobernador riba e informador cu lo e scoge. Esaki ta pa di tres biaha cu Lider di MEP ta atende pa un ronde asina y tin tur confiansa cu Gobernador di Aruba lo scoge un persona imparcial.
Tin un deseo pa e proceso por cana lihe y e siman aki caba tin un informador cu lo cuminsa eherce e trabou, pero no ta na cada partido pa guia e reunionnan , pero gobernador ta guia cada un di e reunionnan aki. Segun lider di MEP Evelyn Wever Croes si mester mira e programanan di gobernacion practicamente tur e partidonan a trece practicamente e mes un preocupacionnan padilanti, cu ta preocupacionnan cu ta biba den e comunidad.
Sinembargo pueblo a papia , pero partido MEP lo a prefera cu pa pueblo duna e mandato mas cla, pero pueblo a papia y mester respeta esaki, pueblo a pidi un coalicion pa di tres biaha sigui y awor aki ta keda na e partidonan pa bay sinta hunto y duna pueblo su coalicion cu e la pidi pe.