Zr.Ms. Holland un biaha mas a interseptá un transporte grandi di droga den Laman Karibe. 511 kilo di kokaina tabata e kantidat riba 24 di Novèmber último, lokual ku a keda publiká awe. Na momentu di e intersepshon a dispará tirunan dirigá riba e motornan di e boto chikitu ku droga. Ta e di 7 kaptura desde yegada di e Barku di Marina den Region Karibense.
E avion marítimo di patruyahe di Wardakosta Región Karibe a mira un boto sospechoso den Laman Karibe. Zr.Ms. Holland mes ora a drenta akshon, i a hiba kurso direkshon di e boto sospechoso i tambe a manda su botonan di intersepshon rápido tambe den su direkshon.
Tripulashon di e botonan FRISC, e skuadron di Flete di Marina i un ekipo marítimo di mantenshon di orden legal di Wardakosta Merikano, a fòrsa e boto ku droga pa stòp. Esaki a logra finalmente ku tirunan dirigí dispará riba e motornan di e boto chikitu aki. Durante e akshon e kuater kontrabandistanan sospechoso a tira paketenan ku droga for di e boto den laman. Tur e paketenan a keda saká for di laman i a trese esakinan na bordo di Zr. Ms. Holland. Un total di 511 kilo di kokaina a keda konfiská.
E sospechosonan ademas di e droga a keda entregá na Wardakosta Merikano. E kontrabandistanan ta warda nan persguishon na Estados Unidos.
Barku di Patruya
Zr.Ms. Holland for di kuminsamentu di Sèptèmber ta aktivo komo barku di patrulla stashoná den Region Karibense. E barku di Patruya ta funshoná durante operashonnan anti droga interkambiando huntu ku Wardakosta Merikano i Wardakosta Region Karibe.
