E temporada di horcan na Atlantico na 2024 a yega oficialmente na su final durante e fin di siman, lagando un rastro di destruccion, perdida di bida y daño economico masivo den henter America y Caribe, e Organisacion Meteorologico Mundial (WMO) di Nacionnan Uni a bisa.
Departamento di Ciencia Atmosferico di Universidad di Estado di Colorado (CSU) a describi e temporada di horcan como hiperactivo
Tabatin 18 tormenta cu nomber, di cua 11 a bira horcan, y di esakinan cinco (5) a bira horcan grandi (Categoria 3+ riba e scala di Saffir-Simpson). Un temporada promedio tin 14 tormenta cu tin nomber; shete horcan y tres horcan grandi.
E horcan Beryl a drenta historia como e horcan di categoria 5 mas tempran cu a wordo registra den e basin di Atlantico. Beryl, cu a dal na juli, a laga devastashon amplio den parti di Caribe, causando daño extenso na cas y infrastructura. Segun WMO, su impacto riba bida humano a ser mitigá dor di avansa den sistemanan di alerta tempran.
Actividad di tormenta a aumenta na inicio di september, cu shete horcan cu a forma despues di 25 di september, WMO a señala cu esaki tabata un record pa actividad di fin di temporada, agregando cu e temporada di horcan na 2024 a pone enfasis riba e tendencia alarmante di tormentonan cada biaha mas severo alimentando pa e crisis climatico.
Coordinador di Desaster y Comandante di Bombero, Clive Richardson, a bisa ayera cu aunke Sint Maarten a keda salba atrobe, nos pensamentonan y oracionnan mester ta cu nos rumannan di otro parti di e region cu a wordo afecta.
E islanan di Leeward a perde un cantidad di sistema di tormenta durante e periodo di mas halto di e temporada cu excepcion di Tormenta Tropical Ernesto cu a pasa mas o menos 65 mil for di e pais na augustus.
Nos tin hopi pa gradici como comunidad despues di a pasa otro temporada. Cinco tormenta a forma den Oceano Atlantico ost di Sint Maarten y Ernesto tabata e unico di 18 tormenta pa e temporada cu a trece condicionnan di tormenta tropical pa e pais.
“Mi ta desea di tuma e oportunidad aki pa elogia nos Organisacion Nacional di Maneho di Desaster di 10 Funcionan di Apoyo di Emergencia y tur otro organisacionnan di apoyo y/of teamnan cu a mobilisa ora cu tabata necesario pa proteha bida y propiedad durante e temporada.
Na final di e temporada di horcan na Atlantico na 2024, mi ta haci un yamada na e comunidad pa semper ta prepara dor di tin un kit di emergencia y un plan na luga pa cualke tipo di desaster cu por sosode similar na e preparacionnan cu bo ta tuma durante e temporada anual di horcan. Bo no por sa ki ora un desaster por yega.
E temporada tradicional ainda por tin mal tempo y p’esei semper mester ta prepara y keda vigilante como un nacion.
Sigui sigui e canalnan di informacion di Meteorological Department of Sint Maarten (MDS) como e servicio oficial nacional di meteorologia durante henter aña.
St Maarten por disfruta e temporada di fiesta cu ta bin na un manera saludabel y sigur”, Coordinador di Desaster Clive Richardson a bisa ayera.
