Hulanda tin bista riba tur e islanan den Caribe y Aruba no ta un excepcion. Riba tur e islanan a bin un departamento di integridad y na Aruba tambe. Sinembargo e pregunta ta keda na halto,Hulanda mester reforsa su control financiero riba Aruba pa combati corupcion y promove transparencia,incluso si esaki limita e autonomia di nos isla aun mas?
Lider di MEP Evelyn Wever Croes ta conveni cu Aruba mes por atende cu e tema di integridad na Aruba, Na momento como Aruba mester bay pidi Hulanda pa bin y atende algo asina fundamental e ora Aruba ta leu for di cas. Segun prome minister for di aña 2017 a pone integridad central den maneho y na unda cu a bin cu diferente leynan , leynan di screening pa minister, ley di finansa pa partidonan politico, a bin cu ombudsman. Tur esaki ta pa fortifica transparencia den Pais Aruba. Tambe a bin cu un departamento di “Bureau Integriteit Aruba (BIA)” unda cu tur hende por haci melding pa loke ta trata integridad.
Lider di MEP ta kere cu e institutonan cu a pone pa combati corupcion ta funciona y mester sigui traha riba nan. Pa loke ta trata e finansas publico, Aruba mester tin e timon den su man, no mester lubida cu algun anja pasa Aruba a haya un KB unda cu e tempo ey Rey Willem Alexander mes a vocifera cu pa via di mal maneho finansiero durante di gobierno di AVP, Pais Aruba mester bay cay bou di Hulanda , pa Hulanda tin supervision financiero . Lider di MEP kier pa Aruba ta consiente y pa nunca mas Aruba pasa den un situacion asina aki unda cu Aruba ta den e grens unda cu Hulanda kier tuma Aruba over debi di mal maneho financiero cu partido AVP lidera pa Mike Eman a haci den e temporada cu tabata prome Minister di Pais Aruba.
Aruba mes mester atende cu su temanan financiero debidamente na cas y Aruba mester scoge politiconan responsabel pa maneha Aruba responsablemente.