Recientemente, en conexion cu Dia Internacional di Diabetes, One Happy Island Lions Club a organisa un charla educativo pa e grupo di adulto mayor “Honey Bees”.
E evento aki a tuma lugar na Centro di Bario Dakota, for di 8:00 di mainta, e huespednan a cuminsa yega, caminda nan a por disfruta di un desayuno sano. E charla a wordo presenta pa dos specialista di POH y un dietista cual a duna hopi informacion valioso. Hopi pregunta a wordo haci y e participantenan a ricibi un gran cantidad di informacion valioso.
Un gradicimento special ta bay pa Fundacion Diabetes Aruba, POH, Centro di Bario Dakota y CEDE Aruba, cu a contribui na e exito di e evento.
Tambe, un danki hopi grandi ta bay pa Alain Catering pa su tremendo desayuno saludable cu a eleva e experencia di e charla.
