Boneiru a hasi un impreshon vibrante na e di 48
DEMA show anual ku nan a tene for di 19 te ku 22 di novèmber 2024 na Las Vegas, Nevada.
E representashon di Tourism Corporation Bonaire (TCB) a konsistí di Crystel Pourier, US
& Canada Representative, i Annette Emerenciana, Marketing PR & Project Coordinator,
huntu ku en total 11 otro partner for di nos isla ku a eksponé den Bonaire Pavilion.
E evento ku a dura kuater dia a atraé komersiantenan por mayor, ‘influencers’ i
prinsipalmente sambuyadónan i amantenan di buseo. Hopi di esnan presente, entre otro
bishitantenan frekuente di Boneiru, a bishitá e Bonaire Pavilion pa haña mas
informashon tokante nos isla òf pa papia tokante nan biahe i plania esaki. E aña akí
diferente partner tabata presente den e Bonaire Pavilion: Bonaire East Coast Diving,
Buddy Dive Resort, Captain Don’s Habitat, Chogogo Beach & Dive Resort, Corallium Hotel
& Villas Bonaire, Delfins Beach Resort, Dive Friends Bonaire, Divi Flamingo Beach Resort,
Grand Windsock Bonaire, Plaza Beach & Dive Resort, Tourism Corporation Bonaire i VIP
Diving.
Pa e di kuater aña konsekutivo TCB a traha huntu ku ScubaRadio pa diariamente organisá
vários sorteo, ku un variedat di premio eksitante di Boneiru. Tur dia di nobo e felis
ganadónan a keda hopi entusiasmá ku e premionan i nan ta anhelá e momentu di nan
bishitá na nos isla. Captain Don’s Habitat, Chogogo Beach & Dive Resort, Corallium Hotel
& Villas Bonaire, Dive Friends Bonaire, Divi Flamingo Beach Resort, Grand Windsock
Bonaire, Plaza Beach & Dive Resort i VIP Diving a pone e premionan disponibel.
E DEMA Show 2025 ta planiá pa tuma lugá for di 11 te ku 14 di novèmber 2025 na Orlando,
Florida. Partnernan ku ta interesá den e show di otro aña, por manda un email na
crystel.pourier@bonaireisland.com.
