Orguyo ta bini prome cu destruccion, y un spirito arogante prome cu caida.(Proverbionan 16:18).
Ta mihor pa ta di un spirito humilde, hunto cu humildenan, cu parti botin cu
orguyosonan.(Poverbionan 16:19).
Esun cu ta paga tino na e palabra lo haña bondad, y bendiciona ta esun cu ta confia den Señor.(
Proverbionan 16:20).
Laga nos tur reconoce cu orguyo, arogancia, y jaloersheid ta simia sembra pa diabel.
Tin hopi forma cu Orguyo y Arogancia ta causa destruccion den relacion matrimonial;
! Mal agradecido
! Nunca ta bisa por fabor y ta tarda pa pordona.
! Bo ta ignora necesidad di bo pareha.
! Semper bo tin rason.
!Nunca bo ta pidi despensa of admiti cu bo ta robes.
! Sea responsabel pa bo hechonan.
! Stop di critica y murmura.
! Pone pasado un banda y laga cosnan bieu keda atras.( Isaias 43:18-19).
! Stop di competi cu otro.
! Orguyo y arogancia ta trece pleito constant den matrimonio, pasobra nan dos ta alimenta jaloersheid.
! Orguyo y arogancia ta hiba hende na mentira.
! Falta di conocemento di e palabra di Dios, ta pone cu no tin defensa contra arogancia.
! Hende orguyoso, arogante y jaloers tin adiccion na atencion.
Esaki ta cosnan cu nos mester tene cuenta cune pa asina por tin un relacion matrimonial sano y puro
cu no ta draai riba placa y cosnan material, y riba relacion sexual, pero cu ta demostra amor y
comprension, husticia, berdad, compasion y tolerancia y stima otro y pordona otro mescos cu Dios a
pordona bo.
Pesey scritura ta bisa: Dios ta resisti e orguyosonan , ma ta duna gracia na e humildenan.( Santiago of
Jacobo 4:6).
Caminda tin orguyo y arogancia no tin crecemento spiritual , pasobra nan dos ta blokia e contacto cu
Dios, haci hende cabesura y ciego, pa nan no comprende ni tampoco mira e berdad di Dios.
Orguyo di un hende lo rebahe, ma esun cu ta di spirito humilde lo ricibi honor,( Proverbionan 29:23).
Hopi biaha hende orguyoso ta sinti cu nan ta wordo discrimina, pasobra nan kier tur atencion riba nan.
No haci nada cu un actitud di egoismo of orguyo, ma cu humildad laga cada un di boso, considera e
otro mas importante cu e mes, No busca boso interes personal so, ma busca tambe interes di otronan.
Laga tin den boso e actitud aki cu tabatin den Cristo Hesus.( Filipensenan 2:3-5).
Si hende por a realisa kico ta Dios su plan cu hende orguyoso y arogante, tur hende lo a arepenti y
busca cara di Dios y hala kita for di nan mal caminda,pasobra asina e palabra di Dios ta bisa:
! Mira e dia di Señor ta bin cruel,cu furia,y cu rabia ardiente, pa haci tera un desolacion,y E lo caba cu
e pecadornan cu tin den dje.
! Asina lo mi castiga mundo pa su maldad,y e malbadonan pa nan inikidad. Tambe lo mi pone un fin
na e arogancia di e orguyosonan, y rebaha e orguyo di hende cruel.( Isaias 13:9,11)
Pero tambe Dios ta corda nos cu Su misericordia ta di generacion pa generacion pa cu esnan cu tin
temor p’E. E a haci hechonan poderoso cu Su brasa, E a plama esnan cu tabata orguyoso den e
pensamentonan di nan curason.( Lucas 1:50-51).
Orguyo ta ocasiona pleito so,ma sabiduria ta cu esnan cu ta acepta conseho.( Proverbionan 13:10).
E temor di Señor ta pa odia maldad,Orguyo , Arogancia,y mal caminda, y un boca perverso mi ta odia.
Cristo Hesus libra nos di orguyo y arogancia.
Sinceramente, Pastor Marcel Balootje.
