Ex minister Otmar Oduber saliendo for di corte ta duna di conoce cu tin algo cu ta hopi cla “duidelijk” cu tin un abuso di marca mayor cu ta tuma luga den ministerio publico. Segun Oduber e abuso aki a yega asina leu cu tin biaha ta trata di desvia di leynan pa yega e obhetivo.
Segun Otmar Oduber den e caso di Flamingo Ministerio Publico ta gaña, ta crea storia y a trece un cantidad di mentira padilanti unda cu hasta a comproba e mentiranan aki.
Porfin awe a yega corte despues di 4 pa 5 aña cu e caso Flamingo a cuminsa y awe a yega corte y a presenta cu e pruebanan y manera ya caba a menciona cu no por yama e caso aki mas caminda cu ta trata di un bruhamento of cu ta un eror e ta di ministerio publico. Segun Otmar Oduber e tipo di situacionnan asina nos mester por denuncia nan. Otmar Oduber ta duna di conoce cu su persona a keda libera di e mes un acusacion di de Mos na Hulanda, unda cu supuestamente lo tabata participa na un gang di crimen organisa. Sinembargo na Hulanda OM a duna respet y a pidi sorry , pero aki na Aruba ministerio publico no a ni hiek riba e caso.
Ta trata aki di 7 acusacion cu a cuminsa cu a caba na tres acusacion, mas of menos purbando abase di mentiranan cu a keda treci padilanti pa hustifica un caso pa scapa cara.
No por ta asina cu ta cuminsa un caso riba BCI 5 aña pasa september di aña 2019 unda cu e caso a cuminsa mas di 5 aña caba.
Segun Otmar Oduber OM tabatin tur acceso na tur documento debi cu na momento cu tabata minister e tempo ey den e caso di Aveztruz a duna e yabi di kluis di DIP, y e tempo ey a indica na e director di DIP kico cu OM tin mester pa investigacion duna nan e yabi di e kluis pa nan tin acceso di tur loke cu nan tin mester.
DIP e tempo ey na momento cu tabatin mester di cualkier documento mester a pidi OM aceso na e documentonan cu tin mester cu ta casonan cu tabata despues di e tempo di Aveztruz pa asina e procesonan den DIP por sigui cana. Mirando esaki DIP tabatin tur acceso na tur doucmento y tur caso den DIP. Sinembargo OM no a para keto y no a haci su investigacion corecto y a bay over na bay gaña Hues comisario. Segun Otmar Oduber na momento cu e caso tabata andando kisas e hues nan no tabata sa di tur e gañamento cu tabatin. Sinembargo awe a presenta cu prueba tur e gañamento nan cu tabatin den ministerio publico.
Otmar Oduber ta indica cu lo bay bek pa e personanan aki debi cu no por tin persona cu ta kere cu ni na Aruba , ni na Hulanda dus e macamba na Hulanda cu por pensa cu ta bin trapa riba e derecho di un hende homber cu tabata vice prome minister di Pais Aruba, a traha 10 aña como minister, 8 aña como miembro di parlamento y ta kere cu Hulanda ta bin trata nos na Aruba aki cumi “NEGERS” paso nos ta biba na Aruba.
Segun Otmar Oduber si tabata na Hulanda hamas y nunca e wowo blauw na Hulanda a wordo trata di e forma aki, pesey mes lo bini bek y ta pidi ministerio publico y hues abase di e pruebanan cu ta keda treci padilanti unda cu ta mustra e mentiranan cu a keda treci den BCI y a keda wanta su persona na liña 2 aña y despues di 2 aña cu a keda descubri a cera su persona riba e supuesto BCI y a bin cu un otro mentira cu ta e TCI rapport, a desenmascara e TCI rapport y despues ta bin cu Marisol Tromp “The Liar “.
