Berdaderamente Partido RAIZ no sa kico nan ta, unda nan kier bay y kico nan kier bira den futuro. Esaki ta un otro muestra di e incapacidad di liderazgo di lider di partido RAIZ Ursell Arends y henter su team di RAIZ. Un bol di hilo mes sa ki direccion e tin cu bira pa e los, pero partido RAIZ ta perdi den maneho, structura, palabracionnan gubernamental y awo hasta den su color cu e ta y ta identifica e partido. Un rato Raiz ta shinishi, un rato ta blauw y un rato kier ta oranje licht y partido FUTURO ta colorido manera e temporada di Carnaval.
Esaki ta caracteristicanan cu sigur pueblo mester tene cuenta cu ne, e ta e mes un tipo di movecion cu partido FUTURO ta bin ta haci tambe for di un principio, FUTURO un partido di dos cabes y na mes momento a Sali afo colorido di diferente color esta berde, roos , roos magenta y hasta berde mind y awe ta scoge magenta relaciona su mes cu HTC. Sinembargo e appel no ta cay mucho leu, e movecion di Minister Geoffrey Wever y ta cabes di FUTURO na mes momento mes ta mustra e bol di hilo bruha cu ta trata di tuma poder y poder di PAIS Aruba pa nan bruha Pais Aruba mes un cos cu nan menta ta bruha. Aruba ta den un punto cu mester progresa y stabilidad y partidonan bruha cu no sa kico y ken nan ta no ta e miho cu Aruba merece.
Aruba merece un stabilidad politico y cu politiconan cu sa ki color nan ta y sea nan ta carni of pisca,e stabilidad mental di un politico ta importante pa stabilidad di progreso di Pais Aruba.