Movementu Kousa Promé a tene djárason anochi un enkuentro di
formashon bon bishitá riba Areglo di Estado di Kòrsou. E anochi aki tabata
den kuadro di e proyekto “Konose bo leinan”. Ta trata di un tópiko ku tin
keber ku e elekshon di mart 2025 binidero. E areglo di estado ta e
konstitushon di Kòrsou. E ta kontené e leinan ku ta splika na plaka chikí
kua ta e órganonan di gobernashon i kon nos estado ta hinká den otro. Un
polítiko ku ta bai elekshon mester konosé organisashon di estado di e
Kòrsou ku e ke bai sirbi. Movementu Kousa Promé ta kere den bon
preparashon di su kandidatonan pa elekshon. E anochi tabata habrí tambe
pa esnan ku ta interesá i ku ke sa mas di politiká i gobernashon di Kòrsou..
E guía durante e enkuentronan edukativo den kuadro di “Konosé bo leinan”
ta e hurista i antropólogo mr. dr. René Rosalia líder polítiko di Movementu
Kousa Promé. Otro siman djárason dia 13 di novèmber lo trata ”E lei
kolonial Statüt”den kuadro di “Konosé bo leinan”. E enkuentro aki ta tuma
lugá di 7’or pa 10 or na sede di Movementu Kousa Promé na Duminguitu
Papayaweg 14. Entrada ta grátis.
Un pueblo informá ta un pueblo ku defensa.
