Pasobra Dios a stima mundo asina tanto, cu E a duna Su Yiu unigenito, pa ken cu kere den dje no bay
perdi, ma tin bida eterno.
Pasobra Dios no a manda e Yiu den mundo pa condena mundo, ma pa mundo wordo salba door di
dj’E.
Esun cu ta kere den dj’E no ta condena, esun cu no ta kere ta condena caba, pasobra e no a kere den e
nomber di e Yiu unigenito di e Yiu unigenito di Dios.( Juan 3:16-18).
Ora un hende entrega su bida na Cristo Hesus, su bida ta cambia, e ta sali for di condecacion, y bini na
libertad den Cristo cu e promesa di bida eterno hunto cu Cristo den cielo ( Juan 14:1-4).
Cristo Hesus ta libra tur esnan cu kere den dje for scuridad diabolico, for di bida di pica pasobra tur
hende a peca, pesey nos tur tin mester di un Salbador y su nomber ta Hesus Cristo di Nazaret.
E enemigo tin hopi hende den su gara, kende ta pensa cu no tin oportunidad den nan bida pa cambia,
pasobra nan ta kere cu e bida di pica, ta algo cu bo no por wordo libra di dje, cu bo tin biba, djis pa
biba, sigi biba den scuridad, siendo cu e lus di Cristo tey pa tur esnan cu kier cana den dje.
E palabra di Dios ta siña nos ; pesey si un hende ta den Cristo , ta un criatura nobo e ta ,e cosnan bieu
a pasa caba, ata tur cos a bira nobo.( 2 Corintionan 5:17).
Awor tur e cosnan aki ta bini di Dios, kende a reconcilia nos cu Su mes, door di Cristo, y a duna nos e
ministerio di reconciliacion.
Cada un di nos cu tin Cristo di berdad den su curason, tin e ministrerio di reconciliacion, cual ta pusha
nos pa bay y conta tur hende di e bondad di Cristo, cu locual Cristo a haci den nos bida e por haci den
bida di tur esnan cu kier kere den dj’E.
Ora nos mira rond di nos diariamente, cuanto rechaso di Dios tin , cuanto hende no kier tende di e
unico plan di salbacion cu ta existi, pasobra Cristo Hesus a bisa bon cla den Juan 14:6 Ami ta e
caminda, y e berdad , y e bida, ni un hende no ta bini serca e Tata, sino pa medio di Mi.
Cristo Hesus ta e unico mediador entre Dios y hende.ta un peliger hopi grandi ora un hende su boca ta
papia di Cristo y su curason ta leu for di dj’E.
Religion y religiosidad no ta salba ningun hende. Ta para scirbi: Pasobra pa medio di gracia boso a
wordo salba, door di Fe,y esey no di boso mes,e ta e don di Dios, no como resultado di obranan, pa ni
un hende no gaba.
Salbacion ta e cos di mas grandi pa bida, di hende, pasobra salbacion ta habri porta di cielo, pa nos,
pero ora un hende mester rechasa Cristo Hesus y keda biba den scuridad, inmoralidad, y hasta
abominacion, e mes ta sera e porta pa su mes, pasobra salbacion ta personal.
No tin ningun hende pa stroba ningun hende di wordo salba, e palabra di Dios ta bisa nos
claramente:Cu si bo confesa cu bo boca,Hesus como Señor, y kere den bo curason cu Dios a lant’E for
di mortonan, lo bo ta salba,( Romanonan 10:9).
No laga pa mayan, locual bo por haci awe,
Sinceramente , Pastor Marcel Balootje.