Vota pa partidonan chikito ta vota pa instabilidad di gobernacion pa un stabilidad pa cada cuidadano cu ta biba na Aruba. Lider di MEP Evelyn Wever CRoes ta kere cu comunidad mester para keto un rato y wak e realidad cu ta pasando. Vota pa partido Chikito manera RAIZ,MAS,Accion21 ta vota pa instabilidad politico.
Sonembargo partido Movimiento electoral a goberna Pais Aruba den tempo malo, hopi mal tempo y awo ta cla pa goberna den bon tempo. Loke ta pasando ta DIOS ta pone pa e pasa y pa pueblo di Aruba tuma nota di kende realmente tin Aruba na pecho y pa haci abo como ciudadano consciente kico lo pasa si duna ciudadano nan chikito poder. Partidonan chikito manera RAIZ , MAS , FUTURO y Accion 21 ta partidonan instabil cu a causa hopi daño den e eleccionnan ultimo y esaki ta caminda cu pueblo mester observa kico ta pasando y si ta kere cu ta e instabilidad aki ta desea pa futuro di Aruba.
Si mester mira e movecion di partido chikito FUTURO cu ta encabesa pa dos cabes esta Gerlien Croes y Geoffrey Wever cu ta hibando un politica bochornoso y hopi tristo . E berdad ta di e partido nan chikitoaki ta cu RAIZ no ta tene su mes na palabra, lider di FUTURO ta duna liderazgo di bochorno, Marisol no por bira minister mas. Pesey mes ta importante pa pueblo di Aruba ta atento paso voto pa e partidonan chikito ta voto pa mas rotsoy.
Con por evita tanto problema asina ta pa evita cu e partidonan chikito cu no tin interes di pueblo di Aruba na pecho, pero nan sed di vengansa so, nan no tin interes di stabilidad di gobernacion na prome luga y no ta worry si inversionistanan ta bira nervioso y Sali for di Aruba bay door di e instabilidad cu nan ta crea. E pueblo di Aruba ta esun cu mester ta consciente y sa cu tin e poder den bo man y ta scoge pa rotsoy of stabilidad. Aruba merece miho.
